కరోనాకు థాంక్స్ చెప్తున్న వర్మ…

దిశ, వెబ్‌డెస్క్: రామ్ గోపాల్ వర్మ… మనుషుల్లో మరో రకం అంటారు. కొందరు మేధావి అని మెచ్చుకుంటే… మరి కొందరు ఏం మాట్లాడుతావ్ స్వామీ అంటూ విసిగించుకుంటారు. ఒక విషయం గురించి ప్రస్తావిస్తే ఆయన స్పందించే తీరు ఆశ్చర్యానికి గురిచేస్తుందంటారు. పది మంది ఒక రకంగా ఆలోచిస్తే … వర్మ ఆలోచన మరోరకంగా ఉంటుందంటారు. ఇందులో వాస్తవమెంత ఉందో తెలియాలంటే… వర్మ పుట్టినరోజు వేడుకలు జరుపుకునే విధానాన్ని చూడాల్సిందే.

మంగళవారం బర్త్ డే జరుపుకుంటున్న వర్మ… కరోనాకు థాంక్స్ చెప్తున్నాడు. దేశంలో లాక్ డౌన్ కారణంగా ఒంటరిగా పుట్టినరోజు పండుగ జరుపుకునే చాన్స్ ఇచ్చినందుకు ధన్యవాదాలు చెబుతున్నాడు. తనకు తానే బర్త్ డే సాంగ్ పాడుకుంటున్న వర్మ … తనలో జోష్ నింపేందుకు కరోనాను తనకు విష్ చేయాలని కోరుతున్నాడు. ఈ సమయంలో మనుషులతో ఫోన్‌లో కూడా టచ్‌లో ఉండేందుకు ఇష్టపడడం లేదు ఆర్జీవీ. తన శిష్యుడు పూరీ జగన్నాథ్‌తో పాటు ఇతర సినీ ప్రముఖులు, ఫ్రెండ్స్ బర్త్ డే విష్ చేయాలని కాల్ చేసినా లిఫ్ట్ చేయట్లేదట. ఈ విషయాన్ని ట్విట్టర్ వేదికగా వెల్లడించిన పూరీ… గురువు గారికి పుట్టినరోజు శుభాకాంక్షలు తెలిపాడు. వర్మకు జన్మదిన శుభాకాంక్షలు తెలుపుతున్న ఫ్యాన్స్.. మీ పుట్టుక మాలాంటి ఎంతో మందికి మానసిక పునర్జన్మ ఇస్తు్ందంటున్నారు.

Tags: RGV, Ram Gopal Varma, BirthDay, Corona, CoronaVirus, Covid19