రష్మిక.. ఛలో కోలీవుడ్!

రష్మిక మందనా … నక్క తోక తొక్కింది. తొలి చిత్రం కిరాక్ పార్టీ నుంచి కన్నడ, తెలుగు, తమిళ్ భాషల్లో లక్కీ ఛాన్సెస్ కొట్టేస్తూనే ఉంది. తెలుగులో ఛలో, గీతా గోవిందం లాంటి సూపర్ హిట్స్ సినిమాల్లో నటించిన రష్మిక .. తర్వాత సరిలేరు నీకెవ్వరు సినిమాతో సూపర్ స్టార్ మహేష్ బాబు సరసన నటించి సంక్రాంతికి బిగ్గెస్ట్ బ్లాక్ బస్టర్ అందుకుంది. స్టైలిష్ స్టార్ అల్లు అర్జున్, యంగ్ టైగర్ ఎన్టీఆర్ లకు జోడీగా ఛాన్స్ కొట్టేసిన ఈ భామ… ప్రస్తుతం మరో క్రేజీ ఆఫర్ అందుకున్నట్లు కోలీవుడ్ ఇండస్ట్రీ నుంచి సమాచారం.

తమిళంలో హీరో కార్తి సినిమా “సుల్తాన్” లో నటిస్తున్న రష్మిక మరో క్రేజీ ఆఫర్ కొట్టేసింది. కార్తీతో ఆడిపాడుతున్న క్యూట్ బ్యూటీ అతని అన్న సూర్యతో కలిసి నటించేందుకు రెడీ అవుతోంది. హరి డైరెక్షన్‌లో వస్తున్న సినిమాకు మాస్టర్ ఫేమ్ మాళవికను ఎంపిక చేసినట్లు వార్తలు వచ్చాయ్. కానీ, ఆమె స్థానంలో ఇప్పుడు రష్మిక వచ్చి చేరినట్లు కోలీవుడ్ టాక్. సినిమాకు సంబంధించి చర్చలు కూడా జరిగాయని తెలుస్తోంది. ఇదే జరిగితే రష్మిక కోలీవుడ్‌లో పాగా వేసినట్లే. ప్రస్తుతం సూర్య సూరరై పోట్రు సినిమాలో నటిస్తున్నాడు. ఈ మూవీ షూటింగ్ పూర్తి కాగానే హరి డైరెక్షన్‌లో వచ్చే సినిమాలో నటించనున్నాడు.