చై, సామ్ నిర్మాణ సంస్థలో రాజ్ తరుణ్…

ఏ మాయ చేసావే సినిమాలో తొలిసారి కలిసి పని చేసిన అక్కినేని నాగ చైతన్య, సమంతలు ప్రేమ పెళ్లి చేసుకుని చక్కగా సెటిల్ అయిపోయారు. మంచి ఫ్రెండ్స్ గా ఉంటూ ఒకరినొకరు సపోర్ట్ చేసుకుంటూ కెరియర్ లో దూసుకుపోతున్నారు. వరుస ఆఫర్లు, సక్సెస్ లతో ఫుల్ క్రేజ్ లో ఉన్నారు. సినిమాలతో పాటు ఫ్యామిలీ లైఫ్ ను చక్కగా ఎంజాయ్ చేస్తున్న చై, సామ్ లు సొంత బ్యానర్ ఏర్పాటు చేస్తారనే టాక్ ఈ మధ్య బలంగా వినిపిస్తోంది. అదే నిజం కానున్నట్లు ఫిల్మ్ నగర్ టాక్.

ఇప్పుడు ఓ సినిమా కూడా డిసైడ్ చేసినట్లు తెలుస్తోంది. బ్యానర్ లో వచ్చే తొలి సినిమా సూపర్ డూపర్ హిట్ కొట్టాలనే ఉద్దేశ్యంతో ఉన్న చై, సామ్… రాజ్ తరుణ్ హీరోగా ఓ సినిమా ప్లాన్ చేశారట. డైరెక్టర్ శ్రీనివాస్ గైరెడ్డి దర్శకత్వంలో నిర్మాతలుగా మారి ఈ సినిమా తెరకెక్కించబోతున్నారట. శ్రీనివాస్ ఈ మధ్యే కథ వినిపించగా… స్టోరీ డిఫరెంట్ గా, కంటెంట్ కొత్తగా ఉండడంతో అక్కినేని వారసుడు, కోడలు గ్రీన్ సిగ్నల్ ఇచ్చేశారట. కాగా శ్రీనివాస్ డైరెక్షన్ లో ఇంతకుముందు రాజ్ తరుణ్ హీరోగా వచ్చిన సినిమా ‘సీతమ్మ అందాలు రామయ్య సిత్రాలు’ సినిమా అంతగా అలరించలేకపోయింది. మరి రాజ్ తరుణ్, శ్రీనివాస్ ల కాంబినేషన్… చై, సామ్ కలిస్తే హిట్ అవుద్దేమో చూడాలి.

Tags: Naga Chaitanya, Samantha Akkineni, Raj Tarun, Srinivas Gavireddy