యాంకర్‌గా పీవీ సింధు..
దిశ, వెబ్‌డెస్క్: తన ఆటతీరుతో.. భారత పతాకాన్ని రెపరెపలాడించింది స్టార్ షట్లర్ పీవీ సింధు. ఇప్పటివరకు గేమ్‌లో తన సత్తా చాటిన ఈ యువక్రీడాకారిణి.. తొలిసారిగా తెరమీద కూడా తన విశ్వరూపాన్ని చూపించబోతుంది. ‘ది ఏ గేమ్’ పేరుతో తీయనున్న వెబ్సిరీస్లో కనిపించబోతున్నట్లు పీవీ సింధు తన ఇన్‌స్టా వేదికగా తెలియజేసింది. ప్రముఖ స్పోర్ట్స్‌ మార్కెటింగ్‌ సంస్థ బేస్‌లైన్‌ వెంచర్స్‌ నిర్మిస్తోన్న క్రీడలకు సంబంధించిన ‘ది ఏ – గేమ్’ వెబ్ సిరీస్‌‌లో సింధు యాంకర్‌గా కనిపించనుంది. […]
దిశ, వెబ్‌డెస్క్: తన ఆటతీరుతో.. భారత పతాకాన్ని రెపరెపలాడించింది స్టార్ షట్లర్ పీవీ సింధు. ఇప్పటివరకు గేమ్‌లో తన సత్తా చాటిన ఈ యువక్రీడాకారిణి.. తొలిసారిగా తెరమీద కూడా తన విశ్వరూపాన్ని చూపించబోతుంది. ‘ది ఏ గేమ్’ పేరుతో తీయనున్న వెబ్సిరీస్లో కనిపించబోతున్నట్లు పీవీ సింధు తన ఇన్‌స్టా వేదికగా తెలియజేసింది.
ప్రముఖ స్పోర్ట్స్‌ మార్కెటింగ్‌ సంస్థ బేస్‌లైన్‌ వెంచర్స్‌ నిర్మిస్తోన్న క్రీడలకు సంబంధించిన ‘ది ఏ – గేమ్’ వెబ్ సిరీస్‌‌లో సింధు యాంకర్‌గా కనిపించనుంది. ఇది మొత్తంగా ఐదు ఎపిసోడ్‌లతో నిర్మితం కానుంది. ఈ కార్యక్రమంలో రియో ఒలింపిక్స్‌ కాంస్య పతక విజేత, రెజ్లర్‌ సాక్షి మాలిక్‌, షూటర్‌ గగన్‌ నారంగ్‌, లాంగ్‌ జంపర్‌ అంజు బాబీ జార్జ్‌, ఫుట్‌బాలర్‌ బైచుంగ్‌ భూటియా, స్నూకర్‌ – బిలియర్డ్స్‌ స్టార్ పంకజ్‌ అద్వానీల క్రీడా జీవితాలను మన ముందుకు తీసుకురానుంది. భారత క్రీడా చరిత్రలో ఈ అథ్లెట్లు ఎలాంటి విజయాలు నమోదు చేశారు. కెరీర్లో ఉన్నత స్థాయికి ఎదగడానికి ఎలాంటి ఇబ్బందులు ఎదుర్కొన్నారు, వాటిని అధిగమించి ఉన్నత శిఖరాలకు ఎలా వెళ్లగలిగారనే విషయాలను ఇందులో చర్చించనుంది.
‘ఈ షోలో భాగస్వామ్యం కావడాన్ని గౌరవంగా భావిస్తున్నా. ఒత్తిడి సమయంలో దిగ్గజ అథ్లెట్ల ఆలోచనా విధానాన్ని వారి శక్తి సామర్థ్యాల్ని ఈ షో ద్వారా తెలుసుకోవచ్చు’ అని సింధు తెలిపింది. ‘ది ఏ గేమ్’.. యూట్యూబ్, ఫేస్‌బుక్, ట్విట్టర్, ఇన్‌స్టాగ్రామ్‌‌లో ప్రసారం కానుంది. బేస్‌లైన్‌ వెంచర్స్‌ ఇప్పటికే ‘డబుల్‌ ట్రబుల్‌, ఫినిష్‌ లైన్‌’ పేరిట నిర్మించిన రెండు వెబ్ సిరీస్‌లు విజయవంతమయ్యాయి.