ప్రకాష్ రాజ్ పాత్రపై ప్రశాంత్ నీల్ క్లారిటీ

దిశ, వెబ్‌డెస్క్: ప్రశాంత్ నీల్ దర్శకత్వంలో వస్తున్న పాన్ ఇండియా ఫిల్మ్ ‘కేజీఎఫ్ చాప్టర్ 2’ ఇప్పటికే భారీ హైప్ క్రియేట్ చేసింది. ఈ సినిమా విడుదల కోసం దేశవ్యాప్తంగా అభిమానులు వెయిట్ చేస్తున్నారు. కొత్తగా సంజయ్ దత్, రవీనా టాండన్, రావు రమేష్ లాంటి సీనియర్లు కూడా మూవీ యూనిట్‌తో జాయిన్ అవడంతో అంచనాలు పీక్స్‌కు చేరాయి. కాగా, కరోనా కారణంగా ‌యిదాపడ్డ సినిమా షూటింగ్.. ఆగస్ట్ 26 నుంచి మళ్లీ మొదలైంది. అదే రోజు విలక్షణ నటుడు ప్రకాష్ రాజ్ ‘కేజీఎఫ్ 2’ షూటింగ్‌లో పాల్గొన్నారు.

అయితే, ఈ స్టిల్స్ చూసిన నెటిజన్లు ఓ రూమర్‌ను తెరపైకి తీసుకొచ్చారు. కేజీఎఫ్ మొదటి భాగంలో నెరేటర్ రోల్ చేసిన అనంత్ నాగ్‌ను ప్రకాష్ రాజ్‌తో రీప్లేస్ చేయబోతున్నారని ప్రచారం చేస్తున్నారు. దీంతో ఈ విషయంపై క్లారిటీనిచ్చారు డైరెక్టర్ ప్రశాంత్ నీల్. ప్రకాష్ రాజ్ చేస్తున్న పాత్ర అనంత్ నాగ్‌ది కాదని.. ఒక కొత్త పాత్రతో ప్రకాష్ రాజ్ ఎంటర్ కాబోతున్నారని క్లారిటీనిచ్చి ఫేక్ న్యూస్‌కు ఫుల్ స్టాప్ పెట్టాడు.

హోమబుల్ ఫిల్మ్స్ నిర్మిస్తున్న చిత్రంలో సంజయ్ దత్ ‘అధీరా’ పాత్రలో విలనిజం ప్రదర్శించబోతుండగా.. ప్రస్తుతం కేన్సర్ కారణంగా షూటింగ్ నుంచి బ్రేక్ తీసుకున్నాడు.