మళ్లీ రాజమౌలి, ప్రభాస్…

రాజమౌలి, ప్రభాస్ కాంబినేషన్‌లో వచ్చిన ఛత్రపతి, బాహుబలి వంటి చిత్రాలు ఎంత సెన్సెషన్ క్రియేట్ చేసాయో అందరికీ తెలుసు. ఈ కాంబినేషన్‌లో మళ్లీ చిత్రం రాబోతుంది. కానీ ఆ సినిమాకు రాజమౌలి దర్శకత్వం ఉండదు… అందులో ప్రభాస్ హీరో కూడా కాదు. అయితే అదేమిటంటారా..? వీరిద్దరూ ఇప్పుడు ప్రొడక్షన్ హౌజ్ ప్రారంభిస్తు్న్నారట. నిర్మాతలుగా మారి ఇరువురు కలిసి సినిమాలు తీయబోతున్నారని సమాచారం. అయితే ఈ బ్యానర్‌లో రూపొందబోయే తొలి సినిమా పాన్ ఇండియాగా తెరకెక్కించాలని భావిస్తున్నారట. వైవిధ్యమైన చిత్రాలను నిర్మించాలని కాంబో భావిస్తున్నారని సమాచారం. ఈ వార్తకు సంబంధించి ఇంకా అధికారికంగా క్లారిటీ రావల్సి ఉంది. రాజమౌలి ప్రస్తుతం ఎన్టీఆర్, రామ్‌చరణ్‌లతో కలిసి ఆర్ఆర్ఆర్ అనే భారీ మల్టీస్టారర్ చిత్రం చేస్తున్న సంగతి తెలిసిందే.. ప్రభాస్ జిల్ సినిమా ఫేమ్ రాధాకృష్ణ కుమార్ దర్శకత్వంలో ‘‘జాన్’’ అనే చిత్ర చేస్తున్నాడు.