శాలిగౌరారంలో ట్రాక్టర్ బోల్తా.. ఒకరు మృతి

దిశ, తుంగతుర్తి: నల్గొండ జిల్లా తుంగతుర్తి నియోజకవర్గంలోని శాలిగౌరారం మండలం పెరిక కొండారంలో శనివారం సాయంత్రం ఘోర రోడ్డు ప్రమాదం చోటుచేసుకుంది. వివరాల్లోకివెళితే..కొండారం గ్రామ శివారులో ప్రమాదవశాత్తు ట్రాక్టర్ బోల్తా పడి ఒకరు అక్కడికక్కడే మృతి చెందగా, మరో వ్యక్తికి తీవ్ర గాయాలయ్యాయి. మృతుడిని శ్రవణ్ కుమార్‌గా గుర్తించారు. అదే గ్రామానికి చెందిన నవీన్‌తో కలిసి గ్రామ శివారులోని చెలక దున్ని ఇంటికి వస్తున్న క్రమంలో ఈ ప్రమాదం జరిగినట్లు స్థానికులు తెలిపారు.