పవన్ 27వ సినిమా టైటిల్ ఫిక్స్

పవర్ స్టార్ పవన్ కళ్యాణ్ రీ ఎంట్రీ అదిరిపోనుంది. పింక్ రీమేక్ ‘వకీల్ సాబ్‌’తో అదరగొట్టనున్నాడు పవన్. ఏప్రిల్‌లో విడుదల కానున్న ఈ సినిమాకు వేణుశ్రీరామ్ దర్శకత్వం వహిస్తుండగా దిల్ రాజు, బోనీ కపూర్‌లు నిర్మాతలు. ‘వకీల్ సాబ్‌’తోపాటు క్రిష్ డైరెక్షన్‌లో వస్తున్న సినిమా షూటింగ్‌లోను పాల్గొంటున్నాడు పవన్ కళ్యాణ్. పవన్ నుంచి తొలి చరిత్రాత్మక చిత్రం కావడంతో అభిమానులు ఆసక్తిగా ఎదురుచూస్తున్నారు. తెలంగాణ రాబిన్‌హుడ్ ‘పండగ సాయన్న’ జీవిత కథ ఆధారంగా తెరకెక్కుతున్న చిత్రం కోసం పవన్ పూర్తిగా లుక్స్ కూడా మార్చేశాడు.

దాదాపు రూ.200 కోట్ల బడ్జెట్‌తో తెరకెక్కుతున్న సినిమా తెలుగు, తమిళ్, హిందీ భాషల్లో రిలీజ్ కానుంది. ఇది పవన్‌కు 27వ సినిమా కాగా.. ‘విరూపాక్ష’ టైటిల్ ఫిక్స్ చేసినట్లు సమాచారం. ఇందులో పవన్ స్క్రీన్ నేమ్ ‘వీరు’ కాగా…. ప్రగ్యా జైస్వాల్, దిశా పఠాని, జాక్వెలిన్ ఫెర్నాండేజ్ హీరోయిన్లుగా కన్‌ఫాం అయినట్లు తెలుస్తోంది. పాన్ ఇండియా మూవీగా వస్తున్న పవన్ ‘విరూపాక్ష’ వచ్చే ఏడాది జనవరి 8న విడుదల కానున్నట్లు ఫిల్మ్ నగర్ టాక్. శ్రీ సూర్య మూవీస్ ఎంటర్టైన్మెంట్ పతాకంపై ఏఎం రత్నం సినిమాను నిర్మిస్తున్నారు.