భారీ విరాళం ప్రకటించిన ప్రభాస్, తారక్

యంగ్ టైగర్ ఎన్టీఆర్ కరోనా వైరస్ పై చేసే పోరాటంలో భాగస్వామ్యం అయ్యారు. కరోనా మహమ్మారి ప్రభావంతో ఎదురైన పరిస్థితుల్లో ప్రజలను కాపాడుకునేందుకు…. తెలుగు రాష్ట్రాల ప్రభుత్వాలు తీసుకుంటున్న చర్యలను అభినందించిన ఆయన…. తెలంగాణ, ఏపి సీఎం రిలీఫ్ ఫండ్స్ కు రూ. 25 లక్షల చొప్పున విరాళం అందిస్తున్నట్లు ప్రకటించారు. దీంతో పాటు లాక్ డౌన్ కారణంగా… పనులు లేక పొట్టకూటి కోసం బాధపడుతున్న సినీ కార్మికులకు రూ. 25 లక్షల ఆర్థిక సాయం అందిస్తున్నట్లు తెలిపారు. ఈ పరిస్థితుల్లో ప్రజలంతా ప్రభుత్వ సూచనలను పాటించాలని కోరారు. కలిసికట్టుగా కరోనా మహమ్మారిని కట్టడి చేద్దామని పిలుపునిచ్చారు.

ఇక బాహుబలి డార్లింగ్ ప్రభాస్ తన రేంజ్ కు తగినట్లు సాయాన్ని ప్రకటించారు. ఈ పాన్ ఇండియా స్టార్… తెలుగు రాష్ట్రాల ముఖ్యమంత్రుల సహాయ నిధికి రూ. కోటి విరాళం అందిస్తున్నట్లు తెలిపారు. ప్రతి ఒక్కరూ ఇంట్లోనే ఉండి… ప్రభుత్వ సూచనలు పాటించాలని కోరారు.

Tags : NTR, Prabhas, CoronaVirus, Covid 19