పోరాటం ఆగదంటున్న నివిన్ పౌలీ..

‘బెంగళూరు డేస్, ప్రేమమ్’ సినిమాలతో తెలుగు ప్రేక్షకులకు పరిచమమున్న మలయాళ నటుడు నివిన్ పౌలీ. 2019లో వచ్చిన ‘కాయమ్‌కులమ్ కొచ్చున్ని’ సినిమాలో తన నటనకు విమర్శకుల ప్రశంసలు అందుకోవడంతో పాటు బెస్ట్ యాక్డర్‌గానూ అవార్డు తీసుకున్నాడు. బీటెక్ చదివిన ఈ నటుడు.. కొన్నేండ్లు ఇన్ఫోసిస్‌లో ఉద్యోగం చేశాడు. తండ్రి మరణం తర్వాత సినిమాల వైపు వచ్చిన నివిన్.. ప్రతి సినిమాకు తన బెస్ట్ ఔట్‌పుట్ ఇస్తుంటాడు. అందుకే ఆయన చేసిన సినిమాలకు అవార్డులు క్యూ కడుతుంటాయి. ఈ టాలెంటెడ్ యాక్టర్.. ప్రస్తుతం ‘పడవెట్టు’ అనే సినిమాలో నటిస్తుండగా.. ఈ చిత్ర ఫస్ట్ లుక్ తాజాగా విడుదలైంది. ఆ పోస్టర్‌ను అభిమానులతో పంచుకుంటూ ‘సంఘర్షణ.. పోరాటం.. మనుగడ.. మనుషులు ఎప్పటి వరకు జీవించి ఉంటారో.. అప్పటివరకు పోరాటం జరుగుతూనే ఉంటుంది’ అని రాసుకొచ్చాడు.

ఈ చిత్రానికి లిజు కృష్ణ దర్శకత్వం వహిస్తుండగా.. సన్నీవేయన్ ప్రొడక్షన్స్ నిర్మిస్తోంది. నివిన్‌కు జోడీగా మంజు వారియర్ నటిస్తోంది. ఇక ఈ చిత్రానికి 96 ఫేమ్ గోవింద వసంత సంగీతం అందిస్తున్నారు. తెలుగులో శర్వానంద్, త్రిష జంటగా నటించిన ‘జాను’ చిత్రానికి కూడా ఈయనే స్వరాలు సమకూర్చారు.