ఇకపై ఆటో డెబిట్ అంత సులువు కాదు.. ఎందుకంటే ?

దిశ, డైనమిక్ బ్యూరో: ప్రస్తుత పరిస్థితుల్లో ప్రతి ఒక్కరూ ఏ వస్తువు కొన్నా ఈఎంఐ ఆప్షన్ ఎంచుకుంటున్నారు. అంతేకాకుండా కరెంటు, కేబుల్, టీవీ బిల్లులు ఆన్లైన్ లోనే పే చేస్తున్నారు. అయితే, ఆ బిల్లులు చెల్లించేందుకు క్రెడిట్, డెబిట్ కార్డుల ద్వారా ఆటో డెబిట్ ఆప్షన్ ను వినియోగిస్తుంటారు. రోజువారి హడావుడి జీవితాల్లో సమయానికి బిల్లులు చెల్లించడం వీలుకానివారికి ఇది ఎంతగానో ఉపయోగకరంగా ఉంది. అయితే, ఇకపై ఆటో డెబిట్​సదుపాయం వినియోగించుకోవడం అంత సులువు కాదు. ఎందుకంటే.. ఆటో డెబిట్​రూల్స్​లో భారీ మార్పులు జరగన్నాయి. క్రెడిట్, డెబిట్​కార్డుల ద్వారా ఇకపై ఆటో డెబిట్​సదుపాయాన్ని వినియోగించుకోవాలంటే.. ఆ పేమెంట్​కు అదనపు ధృవీకరణ (ఏఎఫ్‌ఏ) అవసరం. అక్టోబర్​1 నుంచే ఈ కొత్త రూల్స్​అమలులోకి రానున్నాయి. ఇకపై రూ.5000 కంటే ఎక్కువ మొత్తానికి ఆటో డెబిట్​సదుపాయాన్ని వినియోగించుకోవాలంటే.. ఓటీపీ అవసరం. ఆటో డెబిట్ తేదీకి కొన్ని రోజుల ముందే పేమెంట్​కు సంబంధించిన సమాచారాన్ని వినియోగదారుడికి బ్యాంకులు పంపిస్తాయి. ఈ రూల్స్ అన్ని రకాల క్రెడిట్, డెబిట్​కార్డులకు దేశీయ, అంతర్జాతీయ లావాదేవీలకు వర్తించనున్నాయి.