దిశ, వెబ్‌డెస్క్: మైసూరులో ప్రధాని మోదీ కాన్వాయ్‌పైకి మొబైల్ ఫోన్ విసిరిన వీడియో వెలుగులోకి వచ్చింది. కర్ణాటకలోని మైసూరులో ప్రధాని మోడీ భారీ ఎత్తున రోడ్ షో నిర్వహించారు. ఈ క్రమంలో ప్రజల నుంచి ప్రధాని కాన్వాయ్ పైకి ఒకరు మొబైల్ ఫోన్ విసిరినట్లు వీడియో లో కనిపించింది. కాగా ప్రధాని మోడీని చూసి ఉద్వేగానికి గురైన ఓ మహిళా కార్యకర్తే తన ఫోన్‌ను అలా విసిరేసినట్లు పోలీసులు కనుగొన్నారు. అలాగే ఆమె ఇలా చేయడానికి ఎలాంటి దురుద్దేశం లేదని పోలీసులు తెలిపారు.