Donald Trump : మిషన్ ‘క్వాడ్’.. వచ్చే ఏడాది భారత్‌లో ట్రంప్ పర్యటన

దిశ, నేషనల్ బ్యూరో : మరోసారి అమెరికా అధ్యక్షుడి(US President)గా ఎన్నికైన డొనాల్డ్ ట్రంప్(Donald Trump) వచ్చే సంవత్సరం భారత్‌లో పర్యటించనున్నారు. 2025 సంవత్సరంలో ‘క్వాడ్’ కూటమి(Quad summit) ఐదో సదస్సుకు భారత్ (India) ఆతిథ్యం ఇవ్వనుంది. ఈ కూటమిలో అమెరికా, భారత్‌లతో పాటు జపాన్, ఆస్ట్రేలియా సభ్యదేశాలు ఉన్నాయి.

2025 సంవత్సరం జనవరి 20న అమెరికా నూతన అధ్యక్షుడిగా ట్రంప్ ప్రమాణ స్వీకారం చేయనున్నారు. అనంతరం ఆయన అధికారిక పర్యటనల షెడ్యూల్‌ ఖరారు కానుంది. ఈ ఏడాది సెప్టెంబరు 21న అమెరికాలోని డెలావర్ రాష్ట్రం వేదికగా క్వాడ్ కూటమి సదస్సు జరిగింది. దీనికి భారత ప్రధానమంత్రి నరేంద్రమోడీ హాజరయ్యారు.