ఎదురెదురుగా ఢీకొన్న రెండు గూడ్స్ రైళ్లు.. ఒక్కసారిగా చెలరేగిన మంటలు (వీడియో)

దిశ, వెబ్‌డెస్క్: ఒకే ట్రాక్ పై ఎదురెదురుగా వేగంగా వస్తున్న రెండు గూడ్స్ రైళ్లు ఒకదానినొకటి ఢీ కొన్నాయి. దీంతో రెండు రైళ్లకు చెందని ఇంజన్లు చెల్లాచెదురుగా పడిపోయాయి. ఈ భీకర ప్రమాదం.. మధ్యప్రదేశ్‌లోని షాడోల్‌లోని సింగపూర్ రైల్వే స్టేషన్ సమీపంలో బుధవారం చోటు చేసుకుంది. ఈ ప్రమాదంలో ఇద్దరు రైలు డ్రైవర్లకు తీవ్రంగా గాయాలు అయ్యాయి. ప్రమాదం తర్వాత రెండు రైళ్లు పట్టాలు తప్పి చెల్లాచెదురుగా పడిపోయి ఇంజన్లలో మంటలు చెలరేగాయి. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది. అయితే ఈ ప్రమాదంలో గాయపడిన లోకో పైలట్‌లను బయటకు తీసేందుకు సహాయక చర్యలు కొనసాగుతున్నట్లు తెలుస్తోంది.