తమిళనాడు అసెంబ్లీలో జాతీయ గీతానికి ఘోర అవమానం.. రాజ్ భవన్ ట్వీట్ వైరల్

దిశ, వెబ్ డెస్క్: తమిళనాడు అసెంబ్లీ(Tamil Nadu Assembly)లో మరోసారి జాతీయ గీతానికి అవమానం జరిగినట్లు రాజ్ భవన్ తమిళనాడు(Raj Bhavan Tamil Nadu) ట్వీట్ చేసింది.ఆ ట్వీట్ లో  ఇలా రాసుకొచ్చారు. 'భారతదేశ రాజ్యాంగం, జాతీయ గీతం మరోసారి ఈ రోజు తమిళనాడు అసెంబ్లీకి అవమానమైంది. జాతీయ గీతానికి గౌరవం ఇవ్వడం మన రాజ్యాంగంలో పేర్కొన్న తొలి మౌలిక కర్తవ్యం. గవర్నర్ ప్రసంగం ప్రారంభ, ముగింపులో అన్ని రాష్ట్ర శాసనసభలో జాతీయ గీతం పాడుతారు. అయితే, ఈ రోజు గవర్నర్ సభకు చేరుకున్నప్పుడు కేవలం 'తమిళ్ తై వాజ్ఝుచి' మాత్రమే పాడబడింది. గవర్నర్ గౌరవంగా సభకు తమ రాజ్యాంగ కర్తవ్యం గురించి గుర్తు చేసి, ముఖ్యమంత్రి ఎం.కే. స్టాలిన్ గారితో పాటు సభాధ్యక్షుల వద్ద జాతీయ గీతం పాడమని అభ్యర్థించారు. అయితే, వారు అవమానకరంగా తిరస్కరించారు. ఇది అత్యంత ఆందోళనకరమైన విషయం.” అని రాసుకొచ్చారు. అయితే ప్రభుత్వ తీరుకు నిరసనగా గవర్నర్ తో పాటు ప్రతిపక్షాలు కూడా అసెంబ్లీ నుంచి వాకౌట్ చేశాయి.