Kerala: ఘోర ప్రమాదం.. ఏడుగురు దుర్మరణం

దిశ, వెబ్‌డెస్క్: కేరళ రాష్ట్రంలో ఘోర ప్రమాదం చోటు చేసుకుంది. గత వారం రోజులుగా కురుస్తున్న వర్షాలకు తోడు సోమవారం రాత్రి వయనాడ్ లో కుండపోత వర్షం కురిసింది. దీంతో మెప్పాడిలో భారీగా కొండచరియలు విరిగి స్థానిక నివాసాలపై పడ్డాయి. దీంతో భారీ కొండచరియల శిథిలాల కింద వందలాది మంది చిక్కుకుని పోయారు. ఈ ప్రమాదంలో ఇప్పటి వరకు ఏడుగురు మృతి చెందినట్లు తెలుస్తోంది.. మృతుల సంఖ్య భారీగా పెరిగే అవకాశం ఉందని అంచనా వేస్తున్నారు. కాగా ఈ సమాచారం అందుకున్న అధికారులు వెంటనే ఎన్డీఆర్ఎఫ్ సిబ్బందితో హుటాహుటిన అక్కడికి చేరుకుని.. సహాయక చర్యలు చేపడుతున్నారు. కాగా ఈ ఘటనకు సంబంధించిన పూర్తి వివరాలు తెలియాల్సి ఉంది.