Rishi sunak: బెంగళూరులో ప్రత్యక్షమైన రిషి సునాక్.. భార్య అక్షతా మూర్తితో కలిసి కాఫీ షాపులో సందడి

దిశ, నేషనల్ బ్యూరో: భారత సంతతికి చెందిన బ్రిటన్ మాజీ ప్రధాని రిషి సునాక్ (Rishi sunak) బెంగళూరు(Bengalur)లో ప్రత్యక్షమయ్యారు. తన భార్య అక్షతా మూర్తి (Akshatha murthy)తో కలిసి సౌత్ బెంగళూరులోని ఓ కాఫీ షాపు(Cofee shop)లో సందడి చేశారు. షాపులో ఓ టేబుల్‌పై కూర్చొని కాఫీ తాగుతూ కనిపించారు. దీంతో వీరిద్దరినీ చూసిన స్థానిక ప్రజలు ఒక్కసారిగా షాక్ అయ్యారు. అక్కడున్న వారందరితో రిషి సునాక్ దంపతులు సెల్ఫీలు దిగుతూ సరదాగా గడిపారు. ఇటీవలే ఇండియాకు వచ్చిన సునాక్ బెంగళూరులోని జయనగర్(Jayanagar) ప్రాంతంలో ఉన్న తన అత్త మామలు ఇన్ఫోసిస్ వ్యవస్థాపకుడు నారాయణ మూర్తి (Narayana murthy), రాజ్యసభ ఎంపీ సుధా మూర్తి(sudha murthy)ల ఇంట్లో ఉంటున్నట్టు తెలుస్తోంది. అంతకుముందు ఆయన నంజన్‌గూడ్ శ్రీ రాఘవేంద్ర స్వామి మఠాన్ని సైతం సందర్శించారు. కాగా, 2022 నుంచి 2024 వరకు రిషి సునాక్ బ్రిటన్ పీఎంగా ఉన్నారు. ఇటీవల జరిగిన ఎన్నికల్లో ఆయనకు చెందిన కన్జర్వేటివ్ పార్టీ ఓటమి పాలైన విషయం తెలిసిందే.