రైల్వే స్టేషన్‌లో సూట్‌కేస్ మోసిన రాహుల్ గాంధీ (వీడియో)

దిశ, డైనమిక్ బ్యూరో: కాంగ్రెస్ అగ్రనేత రాహుల్ గాంధీ రైల్వే స్టేషన్‌లో సూట్‌కేస్ మోసిన వీడియో తాజాగా నెట్టింట వైరల్‌గా మారింది. రాహుల్ గాంధీ సాధారణ పౌరుడిలా కలియ తిరుగుతున్న వీడియో చూసిన నెటిజన్లు పలు రకాలుగా కామెంట్స్ చేస్తున్నారు. ఇవాళ ఉదయం ఢిల్లీలోని ఆనంద్ విహార్ రైల్వే స్టేషన్‌కు రాహుల్ గాంధీ వెళ్లి అక్కడ రైల్వే కూలీలను కలిశారు. రైల్వే కూలీల సాధకబాధకాలను అడిగి తెలుసుకున్నారు. ఇటీవల, రైల్వే స్టేషన్‌లోని కార్మిక సోదరులు అతనిని కలవాలని కోరడంతో ఇవాళ రాహుల్ కూలీలను కలిశారు. అంతే కాకుండా రైల్వే కూలీల డ్రెస్ వేసుకుని, వారి మధ్య కూర్చుని వారి సమస్యలను తెలుసుకున్నారు.