దారుణం.. ప్రెగ్నెంట్ కుక్కను కొట్టి చంపిన యువకులు (వీడియో)

దిశ, వెబ్ డెస్క్: ఢిల్లీలో దారుణం చోటు చేసుకుంది. కొంతమంది యువకులు, వ్యక్తులు కలిసి ప్రెగ్నెంట్ కుక్కను దారుణంగా కొట్టి చంపారు. ఇందుకు సంబంధించి జాతీయ మీడియాలో వచ్చిన కథనం ప్రకారం... సౌత్ ఈస్ట్ ఢిల్లీలోని ఓ ఇనిస్టిట్యూట్ కు చెందిన 25 మంది విద్యార్థులు మరియు సిబ్బంది కలిసి గర్భిణీగా ఉన్న ఓ వీధి కుక్కపై సామూహికంగా దాడి చేశారు. అనంతరం దానిని చిత్రహింసలకు గురి చేసి తీవ్రంగా కొట్టి చంపినట్లు అధికారులు తెలిపారు. ఇందుకు సంబంధించిన వీడియో సోషల్ మీడియాలో వైరల్ కావడంతో పోలీసులు కేసు నమోదు చేసినట్లు అందులో పేర్కొన్నారు. ఈ వీడియో చూసిన నెటిజన్స్, జంతు ప్రేమికులు తీవ్రంగా ఫైర్ అవుతున్నారని.. వారిపై కఠిన చర్యలు తీసుకోవాలంటూ కోరుతున్నట్లు అందులో తెలిపారు.