జంతర్ మంతర్ ఖాళీ.. దరఖాస్తు చేసుకుంటే మళ్లీ అనుమతిస్తాం: పోలీసులు

దిశ, వెబ్‌డెస్క్: గత నెల రోజులుగా ఢిల్లీలోని జంతర్ మంతర్ వద్ద రెజ్లర్లు నిరసన చేస్తున్న విషయం తెలిసిందే. అయితే వారిని పోలీసులు అక్కడి నుంచి క్లియర్ చేపించారు. ఆదివారం నాడు పోలీసులు జంతర్ మంతర్ వద్ద టెంట్లు, ఇతర నిర్మాణాలను తొలగించారు. అనంతరం పోలీసులు మాట్లాడుతూ.. రెజ్లర్లు మళ్లీ సిట్-ఇన్ నిరసన కోసం దరఖాస్తు ఇస్తే, దానికి అనుమతిస్తామని చెప్పారు. అయితే ఈ సారి రెజ్లర్లకు జంతర్ మంతర్ వద్ద కాకుండా.. వేరే అనువైన ప్రదేశంలో అనుమతిస్తామని ఢిల్లీ పోలీసులు తెలిపారు. మరి పోలీసుల నిర్ణయంతో రెజ్లర్లు ఏ నిర్ణయం తీసుకుంటారో తెలియాలి అంటే వేచి చూడాలి మరి.