ఆస్కార్ విజేతలతో ఫోటోలు దిగిన ప్రధాని మోడీ

దిశ, వెబ్ డెస్క్: ప్రధాని మోడీ తమిళనాడులోని ముదుమలై టైగర్ రిజర్వ్ ను సందర్శించారు. ఈ సందర్భంగా ఇటీవల ఆస్కార్ అవార్డు గెలుచున్న ‘ది ఎలిఫెంట్ విస్ఫరర్స్’ మూవీలో నటించిన బొమ్మన్, బెల్లీ దంపతులను ప్రధాని మోడీ కలుసుకున్నారు. ఆ మూవీలోని రఘు అనే ఏనుగును ఆ దంపతులు ప్రధానికి చూపించారు. అనంతరం వారిద్దరితో పీఎం మోడీ ఫోటోలు దిగారు. జంతువుల పట్ల దయతో ఉండటం, వాటిని తమ సొంత పిల్లల్లా చూసుకోవడం చాలా గొప్ప విషయమని మోడీ ఆ దంపతులను కొనియాడారు. కాగా ఇటీవల అమెరికాలోని లాస్ ఏంజల్స్ లో జరిగిన 95వ ఆస్కార్ వేడుకల్లో బెస్ట్ డాక్యుమెంటరీ ఫిల్మ్ కేటాగిరీలో ‘ది ఎలిఫెంట్ విస్ఫరర్స్’ అవార్డు గెలుచుకుంది. కార్తికి గోన్సాల్వేస్ డైరెక్ట్ చేయగా.. డగ్లస్ బ్లష్, కార్తీకి గోన్సాల్వేస్, గునీత్ మోంగా, అచిన్ జైన్ సంయుక్తంగా ఈ మూవీని నిర్మించారు.