Kashmir : ఈ సీజన్‌లోనే తొలిసారిగా కశ్మీరులో కురిసిన మంచు

దిశ, నేషనల్ బ్యూరో : ఈ చలికాలం సీజన్‌లో తొలిసారిగా భూలోక స్వర్గం కశ్మీరులో(Kashmir) మంచు కురిసింది. కశ్మీరు పరిధిలోని మైదాన ప్రాంతాల్లో పలుచోట్ల వర్షాలు కురవగా, కొండ ప్రాంతాల్లో పలుచోట్ల మంచు పడింది. గుల్మార్గ్‌లోని అఫ్పర్వాత్ పర్వత శిఖరం (బారాముల్లా జిల్లా), సాధ్నా టాప్ (కుప్వారా జిల్లా) ఏరియాలలో తేలికపాటి మంచు(Snowfall) కురిసింది. కశ్మీరులోని శ్రీనగర్ సహా వివిధ మైదాన ప్రాంతాలను సోమవారం మధ్యాహ్నం వరుణుడు చిరు జల్లులతో పలకరించాడు. ఒకేరోజులో రెండు భిన్నరకాల వాతావరణ పరిస్థితుల నేపథ్యంలో జమ్మూకశ్మీరులో ఉష్ణోగ్రతలు గణనీయంగా పడిపోయాయి.