Baba Siddique : బాబా సిద్ధిఖీ హత్య కేసులో ప్రధాన నిందితుడి అరెస్ట్

దిశ, వెబ్ డెస్క్ : ఎన్సీపీ(NCP) సీనియర్ నేత బాబా సిద్ధిఖీ(Baba Siddique) హత్య కేసులో ప్రధాన నిందితుడిని పోలీసులు ఆదివారం అరెస్ట్ చేశారు. సిద్ధిఖీపై కాల్పులు జరిపిన ప్రధాన నిందితుడు శివకుమార్(Shivakumar) తోపాటు మరో నలుగురు నిందితులు నేపాల్ పారిపోతుండగా.. యూపీ(UP)లో బహ్రాయిచలో పోలీసులు అదుపులోకి తీసుకున్నారు. కాగా అక్టోబర్ 12న ముంబయిలోని తన కుమారుడి ఆఫీసులో ఉన్నప్పుడు సిద్ధిఖీని షూటర్ శివకుమార్ కాల్పులు జరిపాడు. సిద్ధిఖీ ఆసుపత్రిలో చికిత్స పొందుతూ మృతి చెందాడు. అయితే ఈ ఘటనకు తామే కారణమని లారెన్స్ బిష్ణోయ్ గ్యాంగ్ ప్రకటించింది. హత్య జరిగినప్పటి నుంచి ఈ కేసులో 20 మంది నిందితులను పోలీసులు అరెస్ట్ చేయగా.. నేడు ప్రధాన నిందితుడిని అదుపులోకి తీసుకున్నారు.