మోడీకి మెస్సీ జెర్సీ గిఫ్ట్!

దిశ, వెబ్‌డెస్క్: ప్రధాని మెడీ ఓ స్పెషల్ గిఫ్ట్ అందుకున్నారు. బెంగళూరులో ఇండియా ఎనర్జీ వీక్‌లో భాగంగా అర్జెంటీనా ప్రెసిడెంట్ పాబ్లో గొన్జాలెజ్ మెస్సీ జెర్సీని మోడీకి గిఫ్ట్‌గా ఇచ్చారు. కాగా ఇటీవల అర్జెంటీనా ఫుట్ బాల్ వరల్డ్ కప్ విజేతగా నిలిచిన విషయం తెలిసిందే. గతేడాది డిసెంబర్‌లో జరిగిన ఫిఫా వరల్డ్ కప్‌లో అర్జెంటీనా గెలవగా మెస్సీకిది చివరి వరల్డ్ కప్ కావడం విశేషం. అయితే అర్జెంటీనా ఫైనల్‌లో 4-2 గోల్స్‌ తేడాతో ఫ్రాన్స్‌పై గెలిచింది. ఫుట్ బాల్ వరల్డ్ కప్ గెలిచిన సందర్భంగా ప్రధాని మోడీ అర్జెంటీనా జట్టుకు ట్విట్టర్ వేదికగా అభినందనలు తెలిపారు. ఆ ట్వీట్‌లో అర్జెంటీనా గెలుపుతో భారత్‌లో లక్షల మంది సంబరాలు చేసుకున్నారని ప్రధాని మోడీ పేర్కొన్నారు.