మోడీ మూడింట ఒక వంతు ప్రధాని మాత్రమే.. NDA కూటమిపై జైరాం రమేష్ సెటైర్స్

దిశ, వెబ్‌డెస్క్: కేంద్రంలో మూడోసారి ప్రభుత్వం ఏర్పాటు చేయబోతున్న ఎన్డీయే కూటమిపై కాంగ్రెస్ సీనియర్ నేత జైరాం రమేష్ సెటైర్స్ వేశారు. శుక్రవారం ఆయన మీడియాతో మాట్లాడుతూ.. 2024 లోక్ సభ ఎన్నికలు మోడీకి పరాజయాన్ని అందించాయని అన్నారు. ఇప్పుడు మోడీ మూడింట ఒక వంతు ప్రధాని మాత్రమేనని సెటైర్ వేశారు. ఎన్డీఏ అంటే నరేంద్ర, నాయుడు, నితీష్ సర్కార్ అని ఎద్దేవా చేశారు. ఈ ముగ్గురు నేతలు ప్రధాని కుర్చీ కోసం పాకులాడుతున్నారని అన్నారు. కాగా, ఇటీవల జరిగిన పార్లమెంట్ ఎన్నికల్లో బీజేపీ 240 సీట్లు మాత్రమే సాధించిన విషయం తెలిసిందే. దీంతో కేంద్రంలో ప్రభుత్వ ఏర్పాటుకు కావాల్సిన 272 సీట్ల మ్యాజిక్ ఫిగర్‌కు చాలా దూరంలో నిలిచిపోయింది. ఈ పరిణామాల వల్ల బీజేపీ కేంద్రంలో ప్రభుత్వం ఏర్పాటు చేయాలంటే మిత్రపక్షాల మద్దతు అనివార్యమైంది. దీంతో ఎన్డీఏ కూటమిలోని టీడీపీ, జేడీ(యూ) కీ రోల్ పోషించనున్నాయి.