స్పీడ్‌గా వెళ్తున్న ఆటోలోంచి దుంకేసిన బాలిక... వీడియో

దిశ, వెబ్ డెస్క్: లైంగిక వేధింపుల నుంచి తప్పించుకునేందుకు వేగంగా వెళ్తున్న ఆటోలోంచి 17 ఏళ్ల బాలిక కిందకు దూకింది. దీంతో ఆమె తలకు బలమైన గాయమైంది. ఈ సంఘటన మహారాష్ట్రలో చోటు చేసుకుంది. ఇందుకు సంబంధించి జాతీయ మీడియాలో వచ్చిన కథనం ప్రకారం... మహారాష్ట్రలోని ఔరంగాబాద్ లో లైంగిక వేధింపుల నుంచి తప్పించుకునేందుకు వేగంగా వెళ్తున్న ఆటోరిక్షాలో నుంచి 17 ఏళ్ల బాలిక దూకింది. దీంతో ఆమె తలకు తీవ్ర గాయమైంది. పోలీసులు ఆటో డ్రైవర్ ను అరెస్ట్ చేసి కేసు నమోదు చేశారు. రద్దీగా ఉండే రోడ్డుపై ఆటోలో నుంచి బాలిక దూకుతున్న దృశ్యం దుకాణంలోని సీసీటీవీ పుటేజీలో రికార్డయింది. ఈ వీడియోను పల్లవి సిటి అనే వినియోగదారు తన ట్విట్టర్ ఖాతాలో పోస్ట్ చేసింది.