ఎగ్జామ్ సెంటర్‌లో లో దుస్తుల తనిఖీలు..!
ఈ నెల(మే) 7వ తేదీన దేశవ్యాప్తంగా నీట్ ఎగ్జామ్ నిర్వహించిన విషయం తెలిసిందే.
దిశ, వెబ్‌డెస్క్: ఈ నెల(మే) 7వ తేదీన దేశవ్యాప్తంగా నీట్ ఎగ్జామ్ నిర్వహించిన విషయం తెలిసిందే. కాగా గతంలో మాదిరిగానే ఇప్పుడు కూడా నీట్ డ్రెస్ కోడ్ గురించి పలు విమర్శలు వెల్లువెత్తుతున్నాయి. అయితే, మహారాష్ట్రలోని ఓ పరీక్ష కేంద్రం వద్ద అమ్మాయిల దుస్తులను దారుణంగా చెక్ చేశారట. లో దుస్తులను, చివరకు హుక్స్‌ తీసి తనిఖీ చేశారని విద్యార్థులు వాపోయారు. అలాగే ఓ అమ్మాయి జీన్స్ ధరించి ఎగ్జామ్ సెంటర్‌కు వస్తే ఆమెను అనుమతించలేదట. ఆ అమ్మాయి తల్లిదో ఇతరులదో డ్రెస్ ఛేంజ్ చేసుకొని రమ్మన్నారట. కొంతమంది సమీపంలో ఉన్న షాపుల్లో అప్పటికప్పుడు కొనుక్కోవాల్సి వచ్చిందని విద్యార్థులు ఆరోపిస్తున్నారు. ఓ విద్యార్థి అక్కడ జరిగినవన్నీ నేరుగా సోషల్ మీడియాలో పంచుకున్నాడు. కొంతమంది బాయ్స్ డ్రెస్సులు కొనడానికి సమయం లేదని ఇన్నర్ మాత్రమే ధరించి పరీక్ష రాయాల్సి వచ్చిందని తెలిపాడు. ఈ సంఘటనపై స్పందించిన అధికారులు.. ప్యాంట్లకు ఎక్కువగా జేబులు ఉండడం వల్ల బట్టలు ఛేంజ్ చేసుకోవాల్సి వచ్చిందని చెబుతున్నారు.