కన్నీటి పర్యంతమైన డీకే శివకుమార్

దిశ, డైనమిక్ బ్యూరో: కర్ణాటక అసెంబ్లీ ఎన్నికల్లో వచ్చి ఫలితాలపై కర్ణాటక పీసీసీ డీకే శివకుమార్ భావోద్వేగానికి లోనయ్యారు. భారీ విజయం కట్టబెట్టిన ప్రజలకు, సహకరించిన అందరికి ఆయన ధన్యవాదాలు తెలిపారు. ఈ విజయం పార్టీ కార్యకర్తలదని అన్నారు. ఫలితాలపై మీడియాతో మాట్లాడిన ఆయన భావోద్వేగంతో కన్నీటిపర్యంతం అయ్యారు. ప్రజలు తమపై నమ్మకం ఉంచారని పార్టీ నాయకత్వం సమిష్టిగా పని చేసిందన్నారు. సోనియా, రాహుల్, ప్రియాంక, ఖర్గేలకు ప్రత్యేక ధన్యవాదాలు తెలిపారు. బీజేపీ తమను ఇబ్బందులకు గురి చేసిన పార్టీ అగ్రనాయకత్వం అండగా నిలిచిందన్నారు. ఈ సందర్భంగా సిద్ధరామయ్యకు కూడా ఆయన ధన్యవాదాలు తెలిపారు. కాగా కాంగ్రెస్ తరపున సీఎం అభ్యర్థి రేసులో డీకే శివకుమార్ పేరు కూడా వినిపిస్తోంది. పార్టీ విజయంలో శివకుమార్‌ది కీలక పాత్ర అని కన్నడ రాజకీయ వర్గాల్లో జోరుగా చర్చ జరుగుతున్న వేళ అధిష్టానం ఆయనకు ముఖ్యమంత్రి పదవి కట్టబెడుతుందా లేదా అనేది ఉత్కంఠగా మారింది.

Also Read...

కర్నాటక రిజల్ట్: సీఎం పోస్ట్‌పై డీకే శివకుమార్ కీలక వ్యాఖ్యలు