ఢిల్లీలోని శాస్త్రిభవన్ దగ్గర అగ్నిప్రమాదం..!

దిశ, నేషనల్ బ్యూరో: ఢిల్లీలోని శాస్త్రిభవన్ దగ్గర అగ్నిప్రమాదం జరిగింది. శాస్త్రిభవన్ సమీపంలోని నిర్మాణంలో ఉన్న భవనంలో ఒక్కసారిగా మంటలు చెలరేగాయి. దీంతో, భద్రతా సిబ్బంది ఒక్కసారిగా అప్రమత్తమై అగ్నిమాపక సిబ్బందికి సమాచారం అందించారు. ఘటనాస్థలికి చేరుకున్నఅగ్నిమాపక సిబ్బంది అక్కడికి చేరుకుని మంటలు ఆర్పుతున్నారు. ప్రమాదానికి గల కారణాలు తెలియాల్సి ఉంది. అగ్నిప్రమాదానికి గల కారణాలపై భద్రతాసిబ్బందిని పోలీసులు ప్రశ్నిస్తున్నారు. ఈప్రమాదంలో ఇప్పటివరకు ఎలాంటి మరణాలు సంభవించలేదని తెలుస్తోంది.