నేడు మరో 25 విమాన సర్వీసులకు బాంబు బెదిరింపులు

దిశ, వెబ్ డెస్క్ : భారత విమాన సర్వీసులకు బాంబు బెదిరింపులు(Bomb Threats) ఆగడం లేదు. నేడు మరో 25 దేశీయ, అంతర్జాతీయ ఎయిర్‌లైన్స్‌కు బాంబు బెదిరింపులు వచ్చినట్లు ఆయా సంస్థల వర్గాలు తెలిపాయి. కాగా గడిచిన 12 రోజులలో వివిధ భారతీయ ఎయిర్‌లైన్స్‌కు చెందిన 275 విమానాలకు బాంబు బెదిరింపులు ఎదురయ్యాయి. వీటిలో చాలావరకు సోషల్ మీడియా ద్వారా వచ్చిన బూటకపు బాంబు బెదిరింపులే కావడం గమనార్హం. అయినప్పటికీ విమానయాన సంస్థలకు ఇవి తలనొప్పిగా మారాయి. కాగా.. బూటకపు బాంబు బెదిరింపు మెసేజ్‌లకు సంబంధించిన డాటాను తమకు షేర్ చేయాలని ఇప్పటికే సోషల్ మీడియా వేదికలైన మేటా(Meta), ఎక్స్‌(X)లను కోరిన కేంద్ర ప్రభుత్వం.. ఇటువంటి కార్యకలాపాల వెనుక ఉన్న వారిని గుర్తించే పనిలో పడింది. విమాన సర్వీసులకు బాంబు బెదిరింపులు రావడంతో పలు విమానాలు చాలా ఆలస్యంగా నడిచాయి.