రాజ్యసభకు సోనియాగాంధీ.. అలసిపోయిన నేత అని బీజేపీ సెటైర్లు

దిశ, నేషనల్ బ్యూరో: కాంగ్రెస్ అగ్రనేత సోనియాగాంధీ రాజస్థాన్ నుంచి రాజ్యసభకు పోటీ చేస్తున్నారు. దీనిపై కేంద్రమంత్రి గిరిరాజ్ సింగ్ స్పందించారు. సోనియాగాంధీ అలసిపోయారని సెటైర్లు వేశారు. సోనియా జైపూర్ పర్యటన గురించి స్పందిస్తూ.. సోనియా తప్పనిసరిగా అలసిపోయి ఉంటారని ఆయన చురకలు అంటించారు.

ప్రధాని నరేంద్ర మోడీపై కాంగ్రెస్‌ అధ్యక్షుడు మల్లికార్జున్‌ ఖర్గే చేసిన విమర్శలపై స్పందిస్తూ.. రాహుల్ పై విరుచుకుపడ్డారు గిరిరాజ్ సింగ్. మోడీ మళ్లీ గెలిస్తే నియంతృత్వం రాజ్యమేలుతోందని గతంలో ఖర్గే కామెంట్లు చేశారు. ఖర్గే అలా అనుకోవచ్చని.. కానీ ప్రజల దృష్టిలో మోడీ అత్యంత ప్రజాదారణ పొందిన నాయకుడని అన్నారు గిరిరాజ్ సింగ్. ఖర్గే విసిగిపోయారని వ్యాఖ్యానించారు. రాహుల్ గాంధీని లాంఛ్ చేసేందుకు ఖర్గే చాలా ప్రయత్నించారని.. కానీ లాంఛింగ్ ప్యాడ్ లో కొన్ని సమస్యలు తలెత్తాయని.. అందుకే లాంచ్ చేయలేకపోయారని చురకలు అంటించారు.