Breaking News : లోయలో పడిన ఆర్మీ వాహనం.. ఇద్దరు జవాన్లు మృతి

దిశ, వెబ్ డెస్క్ : జమ్ము కాశ్మీర్లో(Jammu kashmir) తీవ్ర విషాదం చోటు చేసుకుంది. ఓ ఆర్మీ వాహనం లోయలో పడి ఇద్దరు జవాన్లు మృతి చెందారు. జమ్ము-కాశ్మీర్లోని బందిపురా(Bandipura) జిల్లాలో సైనికులతో వెళ్తున్న ఆర్మీ వాహనాల్లో ఒకటి అదుపుతప్పి పక్కనే ఉన్న లోయలో పడిపోయింది. ఈ ఘటనలో ఇద్దరు సైనికులు మృతి చెందినట్టు సమాచారం. కాగా హుటాహుటిన అక్కడికి చేరుకున్న రక్షణ దళాలు సహాయక చర్యలు చేపట్టాయి. ఈ ప్రమాదంలో పలువురు జవాన్ల పరిస్థితి విషమంగా ఉన్నట్టు తెలుస్తోంది. గాయపడిన వారిని ఆర్మీ హెలికాప్టర్లో ఆసుపత్రికి తరలించి అత్యవసర చికిత్స అందిస్తున్నారు. ఘటనకు గల కారణాలపై విచారణ జరుపుతున్నామని ఉన్నతాధికారులు వెల్లడించారు. దీనిపై మరింత సమాచారం తెలియాల్సి ఉంది.