Terrorist Attack: జమ్మూ కశ్మీర్‌లో ఉగ్రదాడి.. ఆర్మీ అధికారి మృతి

దిశ, వెబ్‌డెస్క్: జమ్మూ కశ్మీర్‌(Jammu Kashmir)లో ఉగ్రదాడు(Terrorist Attack)లు ఆగడం లేదు. కొద్ది రోజులుగా కాల్పుత మోతతో కశ్మీర్‌ అట్టుడుకుతోంది. తాజాగా.. కిష్త్వార్ జిల్లాలో భద్రతా బలగాలు(Security Forces), ఉగ్రవాదుల(Terrorists) మధ్య ఎదురుకాల్పులు చోటుచేసుకున్నాయి. ఈ కాల్పుల్లో ఒక ఆర్మీ అధికారి(Army officer) మృతిచెందగా.. ముగ్గురు జవాన్లకు తీవ్ర గాయాలు అయ్యాయి. మృతిచెందిన అధికారి సెకండ్ పారా(స్పెషల్ ఫోరెన్స్) రెజిమెంట్‌కు చెందిన నాయిబ్ సుబేదార్ రాకేశ్ కుమార్‌గా గుర్తించారు. ఇటీవల ఇద్దరు విలేజ్​డిఫెన్స్​గార్డు(వీడీజీ)లను చంపిన ఉగ్రవాదుల కోసం చేపట్టిన ఆపరేషన్​కొనసాగుతోంది.

ఈ క్రమంలో ఆదివారం ఉదయం 11 గంటల సమయంలో కేశ్వాన్​అటవీ ప్రాంతంలో ఉగ్రవాదులు ఆర్మీకి ఎదురుపడ్డారు. ఈ క్రమంలో ఉగ్రవాదులు, సైనికులకు మధ్య కాల్పులు మొదలయ్యాయి. ఇద్దరు వీడీజీల మృతదేహాలు లభ్యమైన ప్రదేశానికి కొన్ని కిలోమీటర్ల దూరంలో ఈ కాల్పులు జరిగాయి. పూర్తి వివరాలు తెలియాల్సి ఉంది.