Air India విమానం అత్యవసర ల్యాండింగ్

దిశ, వెబ్‌డెస్క్: ఆస్ట్రేలియా నుంచి ఢిల్లీ వస్తు్న్న ఎయిరిండియా విమానాన్ని అత్యవసర ల్యాండింగ్ చేయాల్సి వచ్చింది. విమానంలోని ఓ ప్రయాణికుడు అస్వస్థతకు గురికావడంతో కోల్‌కత్తాలోని నేతాజీ సుభాష్ చంద్రబోస్ అంతర్జాతీయ విమానాశ్రయంలో ల్యాండ్ చేయాల్సి వచ్చింది. అక్కడే దాదాపు సాయంత్రం 4.50 గంటల నుంచి 6.50 గంటల పాటు సుమారు 159 మంది ప్రయాణికులు వెయిట్ చేయాల్సి వచ్చింది.. అస్వస్థతకు గురైన ప్రయానికుడిని కోల్‌కత్తాలోని ఆసుపత్రికి తరలించామని విమానాశ్రయ అధికారులు తెలిపారు. రెండు గంటల నిరీక్షణ తరువాత ఎయిరిండియా విమానం ఢిల్లీకి భయలుదేరింది.