అమెరికాలో బద్దలైన అతి పురాతన అగ్నిపర్వతం.. భారీగా ఎగసిపడుతున్న లావా(వీడియో)

దిశ,వెబ్‌డెస్క్: అమెరికాలో అతి పురాతనమైన, చురుకైన అగ్నిపర్వతం(Volcano) బద్దలైంది. వివరాల్లోకి వెళితే.. హవాయి బిగ్ ఐలాండ్‌లోని అతి పురాతనమైన కిలోవెయా అగ్నిపర్వతం వేకువ జామున 2 గంటల సమయంలో భారీ విస్ఫోటనం చెందినట్లు అధికారులు తెలిపారు. అగ్నిపర్వతం నుంచి అధికంగా లావా విడుదలవుతుందని పేర్కొన్నారు. ఈ విస్ఫోటన పగుళ్ల నుంచి సల్ఫర్ డై ఆక్సైడ్ విడుదలవుతుందని అది వాతావరణంలోని ఇతర వాయువులతో కలిసి ప్రతి స్పందించే అవకాశం ఉందని అధికారులు వెల్లడించారు.

ఈ ప్రమాదకర వాయువులు స్థానికులు, జంతువులు, పంటలను ప్రభావితం చేసే అవకాశం ఉండటంతో ప్రజలను ఇతర ప్రాంతాలకు తరలిస్తున్నారు. 1983 నుంచి కిలోవెయా అగ్నిపర్వతం(Kilowaya Volcano) క్రియాశీలంగా ఉందని అప్పుడప్పుడు ఇందులో స్పల్ప స్థాయిలో విస్ఫోటనాలు సంభవిస్తుంటాయన్నారు. అయితే ఈ వరుసలో ప్రపంచంలోనే అతిపెద్ద అగ్ని పర్వతమే మైనా లోవా కూడా ఉందని అధికారులు పేర్కొన్నారు. భారీ విస్ఫోటనం(huge explosion) చెందిన అగ్నిపర్వతం నుంచి 80 మీటర్ల (260 అడుగుల) ఎత్తు వరకు లావా ఎగసిపడుతున్న వీడియోలను అమెరికా వోల్కనాలజిస్టులు విడుదల చేశారు.