అమెరికాలో మరోసారి కాల్పుల కలకలం.. నలుగురు మృతి

దిశ, నేషనల్ బ్యూరో: అమెరికాలో మరోసారి కాల్పుల కలకలం జరిగింది. ఓపార్టీలో గుర్తుతెలియని వ్యక్తులు జరిపిన కాల్పుల్లో నలుగురు చనిపోయారు. మరో ముగ్గురికి తీవ్ర గాయాలయ్యాయి. వివరాల్లోకి వెళ్తే.. సెంట్రల్‌ కాలిఫోర్నియాలోని కింగ్‌ సిటీలో ఔట్ డోర్ పార్టీ జరిగింది. ఆ పార్టీలోకి ముగ్గురు దుండగులు కారులో వచ్చారు. ముసుగులు వేసుకుని వచ్చిన ఆ దుండగులు..ఒక్కసారిగా కాల్పులు జరిపారు. స్పాట్ లోనే ముగ్గురు చనిపోగా.. మరొకరు చికిత్స పొందుతూ చనిపోయారు. గాయపడిన మరో ముగ్గురు హాస్పిటల్ లో ట్రీట్మెంట్ పొందుతున్నారు. ఇకపోతే కాల్పులు జరిపిన వెంటనే దుండగులు అదే కారులో పరారయ్యారు. దీనిపై కేసు నమోదు చేసి విచారణ చేపట్టారు అధికారులు.