F2 మూవీకి జాతీయ స్థాయి అవార్డు

దిశ, వెబ్‎డెస్క్: వెంకటేష్, వరుణ్ తేజ్‎లు హీరోలుగా తెరకెక్కిన ఎఫ్2 సినిమాకు జాతీయ స్థాయి అవార్డు లభించింది. ఫీచర్ ఫిలిం కేటగిరిలో ఎఫ్2 మూవీ ఈ అవార్డును సాధించింది. హిందీతో పాటు ప్రాంతీయ భాషల సినిమాలకు కేంద్ర సమాచార, ప్రసార మంత్రిత్వ శాఖ అవార్డులను ప్రకటించింది. కాగా, హిందీలో ఉరి, సూపర్ 30, గల్లీ బాయ్ సినిమాలకు అవార్డులు లభించాయి. ఫీచర్ ఫిలిం కేటగిరిలో 26 సినిమాలకు అవార్డులు లభించగా.. నాన్ ఫీచర్ ఫిలిం కేటగిరిలో 15 సినిమాలకు అవార్డులు వచ్చాయి.

2018లో ఫ్యామిలీ ఎంటర్‌టైనర్‌గా ఎఫ్‌ 2 మూవీని అనిల్ రావిపూడి తెరకెక్కించారు. ఇందులో తమన్నా, మెహ్రీన్ హీరోయిన్లుగా నటించగా.. రాజేంద్ర ప్రసాద్, ప్రకాష్‌ రాజ్, సుబ్బరాజు, ప్రగతి, నాజర్‌, ఈశ్వరీ రావు, అన్నపూర్ణమ్మ, వై. విజయ తదితరులు కీలక పాత్రల్లో నటించారు. దిల్‌ రాజు నిర్మించిన ఈ మూవీకి దేవీ శ్రీ ప్రసాద్ సంగీతం అందించారు.