66 మంది ఎలిమినేట్.. మిగిలింది ఐదుగురే

దిశ ప్రతినిధి, నల్లగొండ: నల్లగొండ-ఖమ్మం-వరంగల్ పట్టభద్రుల ఎమ్మెల్సీ ఎన్నికల ఓట్ల లెక్కింపు 67వ రౌండ్‌కు చేరుకుంది. అయితే ఇప్పటివరకు ఏ అభ్యర్థి మ్యాజిక్ ఫిగర్‌కు చేరువకాలేకపోయారు. దీంతో మిగిలిన రౌండ్ల ఓట్ల లెక్కింపు కొనసాగుతోంది. రెండో ప్రాధాన్యత ఓట్ల లెక్కింపులో ఇప్పటివరకు 66 మంది ఎలిమినేట్ అయ్యారు. కాగా ఇంకా ఐదుగురు అభ్యర్థులు పోటీలో ఉన్నారు. 66వ రౌండ్ ముగిసేసరికి పల్లా రాజేశ్వర్ రెడ్డి 1,17,386, తీన్మార్ మల్లన్న 91,858, కోదండరామ్ 79,110, తర్వాతి స్థానంలో గుజ్జుల ప్రేమేందర్ రెడ్డి, రాములునాయక్ ఉన్నారు. ప్రస్తుతం కాంగ్రెస్ అభ్యర్థి రాములు నాయక్ ఎలిమినేషన్ ప్రక్రియ కొనసాగుతోంది. ఈ ఆఐదుగురిలో చివరికి ముగ్గురు ఎలిమినేట్ కాగా, మరో ఇద్దరి మధ్య పోటాపోటీ ఉండనుంది. 66వ రౌండ్ ముగిసేసరికి పల్లా రాజేశ్వర్ రెడ్డి 25,528 ఓట్ల ఆధిక్యంలో ఉన్నారు.