బిగ్‌బాస్-7 విన్నర్ పల్లవి ప్రశాంత్‌పై వేణు స్వామి ఇంట్రెస్టింగ్ కామెంట్స్

దిశ, వెబ్‌డెస్క్: ప్రముఖ జ్యోతిష్యుడు వేణు స్వామికి పరిచయం అక్కర్లేదు. నిత్యం సినీ సెలబ్రిటీస్ జాతకాలు చెబుతూ వార్తల్లో నిలుస్తుంటారు. ఆయనతో పలువురు హీరోయిన్లు పరిహార పూజలు కూడా చేయించుకున్నారు. దీనికి సంబంధించిన ఫొటోలు సైతం నెట్టింట వైరల్‌గా మారాయి. తాజాగా, వేణు స్వామి బిగ్‌బాస్-7 విన్నర్ పల్లవి ప్రశాంత్ అరెస్ట్‌పై ఇంట్రెస్టింగ్ కామెంట్స్ చేశారు. బిగ్ బాస్ టైటిల్ విన్నర్ పల్లవి ప్రశాంత్ విషయంలో ఏమైంది... డీసీపీ జోయల్ డేవిస్ చాలా పద్ధతి గల మనిషి. కేరళకు చెందిన ఐపీఎస్ ఆఫీసర్.

ఆయన అడ్మినిస్ట్రేషన్ చాలా బాగుంటుంది. ఆయనంటే అందరికీ భయం. అలాంటి ఆఫీసర్ పల్లవి ప్రశాంత్ కి దండం పెట్టి వేడుకున్నాడు. అద్దాలు దించుకుని కనిపించకుండా వెళ్ళిపో అని చెప్పాడు. కానీ పల్లవి ప్రశాంత్ ఏం చేశాడు. మాట వినకుండా ర్యాలీ చేశాడు. దాని వలన హీరో కావాల్సిన వాడు జీరో అయ్యాడు. ఫేమ్ మొత్తం పోయింది. కాబట్టి ఫేమ్ తెచ్చుకోవడం ఈజీ.. దాన్ని నిలబెట్టుకోవడం కష్టం. అమ్మాయిని ప్రేమించడం.. పెళ్లి చేసుకోవడం సులభమే. ఆ నమ్మకాన్ని కాపాడుకోవడం జీవితంలో కష్టంతో కూడుకున్నది. డబ్బులు సంపాదించడం ఈజీ విలువలు వదిలేస్తే డబ్బులు సంపాదించవచ్చు. కానీ నిలబెట్టుకోవడం కష్టం’’ అంటూ చెప్పుకొచ్చారు.