Pawan Kalyan ఆంధ్రప్రదేశ్ సీఎం అంటూ స్పెషల్ ట్వీట్ చేసిన ఊర్వశి.. ఆడేసుకుంటున్న నెటిజన్లు

దిశ, వెబ్ డెస్క్: పవర్ స్టార్ పవన్ కల్యాణ్, మెగా హీరో సాయి ధరమ్ తేజ్ కలిసి నటించిన చిత్రం ‘బ్రో’. ఈ సినిమాలో కేతిక శర్మ, ప్రియా ప్రకాష్ వారియర్, తనికెళ్ళ భరణి, రోహిణి కీలక పాత్రల్లో నటించారు. ఇందులో బాలీవుడ్ బ్యూటీ ఊర్వశి రౌతేలా స్పెషల్ సాంగ్ చేసింది. అయితే ఈ మూవీ నేడు గ్రాండ్‌గా థియేటర్స్‌లో విడుదలై పాజిటివ్ రెస్పాన్స్‌ను దక్కించుకుంది.

తాజాగా, ఊర్శశి రౌతేలా పవన్ కల్యాణ్‌పై స్పెషల్ ట్వీట్ చేసింది. ‘‘ఆంధ్రప్రదేశ్ గౌరవ ముఖ్యమంత్రి పవన్ కళ్యాణ్ గారితో బ్రో ది అవతార్ చిత్రంలో కలిసి నటించడం చాలా సంతోషంగా ఉంది. బ్రో మూవీ రేపు రిలీజ్ అవుతోంది.. అందరం మళ్ళీ కలుద్దాం’’ అంటూ రాసుకొచ్చింది. దీంతో అది చూసిన నెటిజన్లు ఆంధ్రప్రదేశ్ ముఖ్యమంత్రి ఎవరనే పొలిటికల్ నాలెడ్జ్ కూడా ఊర్వశికి లేదా అంటూ ట్రోల్ చేస్తున్నారు. మరికొంత మంది పవన్ కల్యాణ్ ఏపీ సీఎం కావాలని ఊర్వశి భావించి అలా చేసిందని ఆమెకు సపోర్ట్ చేస్తున్నారు.