అన్‌స్టాపబుల్ విత్ ఎన్‌బీకే’ ప్రోమో

దిశ, సినిమా: నందమూరి బాలయ్య హోస్ట్‌గా ఆహా ఓటీటీలో స్ర్టీమింగ్ అవుతున్న అన్‌స్టాపబుల్ విత్ ఎన్‌బీకే షో ప్రేక్షకులను ఎంతగానో ఆకట్టుకుంది. ఇప్పటికే రెండు సీజన్లు పూర్తిచేసుకొని ఇప్పుడు సీజన్ 3 కూడా సిద్ధమైంది. అందులో భాగంగా తొలి ఎపిసోడ్ అక్టోబర్ 17న స్ట్రీమింగ్ కానుంది. కాగా ఈ ఎపిసోడ్‌కు బాలయ్య అప్ కమింగ్ మూవీ ‘భగవంత్ కేసరి’ టీమ్ దర్శకుడు అనిల్ రావిపూడి, కాజల్, శ్రీలీల గెస్ట్‌లుగా పాల్గొన్నారు. ఇందులో భాగంగా తాజాగా ఆహా దీనికి సంబంధించిన ప్రోమో రిలీజ్ చేసింది. ఇక ఎప్పటిలాగానే వాళ్లతో బాలయ్య ఓ ఆటాడేసుకున్నాడు.

మొదట డైరెక్టర్ అనిల్‌పై పంచ్‌ల వర్షం కురిపించిన బాలయ్య.. తర్వాత కాజల్‌, శ్రీలీలను పరిచయం చేసిన తీరు బాగా ఆకట్టుకుంది. అయితే ఇందులో ఆసక్తికరమైన విషయం ఏమిటంటే బాలయ్య.. కాజల్‌ను ‘నువ్వు నందమూరి ఫ్యామిలీతో, కొణిదెల ఫ్యామిలీతో వర్క్ చేశావ్. మరి మా అబ్బాయ్ మోక్షతో కూడా చేస్తావా’ అని అడిగాడు. దీంతో 100 పర్సెంట్ చేస్తానని కాజల్ చెప్పింది.