రామ్ చరణ్‌కి తల్లి పాత్రలో అలనాటి టాలీవుడ్ సీనియర్ స్టార్ హీరోయిన్..?

దిశ, సినిమా: స్టార్ డైరెక్టర్ శంకర్, గ్లోబల్ స్టార్ రామ్ చరణ్ కాంబోలో తెరకెక్కుతున్న చిత్రం ‘గేమ్ చేంజర్’. ఈ మూవీ పాన్ ఇండియా లెవెల్‌లో భారీ బడ్జేట్‌తో రూపొందిస్తున్నారు. అయితే ఈ సినిమా షూటింగ్ పూర్తి కాగానే చరణ్ బుచ్చిబాబు సనా దర్శకత్వంలో రూపొందబోయే సినిమాలో హీరోగా నటించబోతున్నాడు. ఈ మూవీకి టైటిల్ ను ఫిక్స్ చేయని నేపథ్యంలో ఆర్ సి 16 అనే వర్కింగ్ టైటిల్ తో ఈ సినిమా పనులు జరుగుతున్నాయి. ఈ మూవీకి సంబంధించిన పూజా కార్యక్రమాలు కూడా కొన్ని రోజుల క్రితమే పూర్తి అయ్యాయి.

ఈ మూవీ లో బాలీవుడ్ బ్యూటీ జాన్వి కపూర్ , చరణ్ కి జోడిగా నటించనుండగా ... శివరాజ్ కుమార్ ఈ మూవీలో కీలకమైన పాత్రలో కనిపించబోతున్నాడు. ఇకపోతే తాజాగా ఈ సినిమాకు సంబంధించిన ఓ క్రేజీ న్యూస్ వైరల్ గా మారింది. ఈ సినిమా మదర్ సెంటిమెంట్ ప్రధానంగా రూపొందుతున్నట్లు , అందుకోసం చరణ్ తల్లి పాత్రలో ఈ మూవీ లో విజయశాంతి ని తీసుకోవాలి అని మేకర్స్ అనుకుంటున్నట్లు , అందులో భాగంగా ఈమెకు మరికొన్ని రోజుల్లోనే కలిసి కథను వినిపించనున్నట్లు , ఈమెకు గనుక కథ నచ్చి గ్రీన్ సిగ్నల్ ఇస్తే ఆర్ సి 16 మూవీ లో రామ్ చరణ్ కు తల్లి పాత్రలో విజయశాంతి కనిపించబోతున్నట్లు ఓ వార్త వైరల్ అవుతుంది.

ఇదిలా ఉండగా.. రామ్ చరణ్ - బుచ్చిబాబు కాంబోలో రూపొందిస్తున్న ఈ సినిమా దాదాపు రూ. 400 కోట్లు బడ్జెట్‌తో తెరకెక్కనుంది. దీన్ని వృద్ధి సినిమాస్ బ్యానర్‌పై వెంకటేష్ సతీష్ కిలారు నిర్మిస్తున్నారు. అలాగే, ఈ మూవీకి మైత్రీ మూవీ మేకర్స్‌తో పాటు సుకుమార్ రైటింగ్స్ సంస్థలు నిర్మాణ భాగస్వాములుగా వ్యవహరిస్తున్నాయి. దీనికి ఏ ఆర్ రెహమాన్ మ్యూజిక్ ఇస్తున్నారు.