ఈ ఏడాది విడిపోయే స్టార్ సెలబ్రిటీలు వీళ్లే.. వైరలవుతోన్న వేణుస్వామి జోస్యం!

దిశ, సినిమా: సినీ సెలబ్రిటీలు, రాజకీయ నాయకుల జాతకాలు చెబుతూ తరచూ వార్తల్లో నిలుస్తాడు ప్రముఖ జ్యోతిష్యుడు వేణుస్వామి. ఎవరికి భయపడకుండా వీరి జాతకాలు బయట పెడుతూ కుండబద్దలు కొట్టినట్లు ఎన్నో నిజాలు చెబుతూ వస్తున్నారు. ఈయన చెప్పిన జోస్యంలో కొన్ని నిజాలైతే మరి కొన్ని అబద్ధాలు కూడా ఉన్నాయి. ఇక 2024 కొత్త సంవత్సరం వచ్చిన వేళ సోషల్ మీడియాలో వేణుస్వామి ఓ వీడియో పోస్ట్ చేశారు. ఇండస్ట్రీలో ఈ ఏడాది ఎవరెవరు విడిపోతున్నారనేది ఈ వీడియోలో చెప్పుకొచ్చారు.

ఈ సంవత్సరం తప్పకుండా స్టార్ గుర్తింపు తెచ్చుకున్న ఇద్దరు టాప్ సెలబ్రిటీలు విడాకులు తీసుకోబోతున్నారు అంటూ సెన్సేషనల్ కామెంట్స్ చేశారు. ఇక గతంలో టాలీవుడ్ హీరోయిన్ రష్మిక మందన్న - విజయ్ దేవరకొండను వివాహం కనుక చేసుకుంటే డివోర్స్ తీసుకోవడం ఖాయమని అన్నారు.

ఇటీవల పెళ్లి చేసుకొని ఎంతో అన్యోన్యంగా ఉన్న వరుణ్ తేజ్ - లావణ్య త్రిపాఠి జంట కూడా ఒక మహిళ కారణంగా డివోర్స్ తీసుకుంటారని సంచలన కామెంట్స్ చేశారు. అలాగే పవర్ స్టార్ పవన్ కళ్యాణ్ ఆయన మూడో భార్య అన్న లెజ్నోవాకు విడాకులిస్తారని, తర్వాత నాలుగో పెళ్లి చేసుకుంటారని కుండబద్దలు కొట్టారు. ఇక పాన్ ఇండియా స్టార్ ప్రభాస్‌కు పెళ్లి జరిగితే ఈ సంవత్సరంలోనే జరగాలి.

ఒకవేళ జరిగినా కూడా రెబల్ స్టార్‌కు కచ్చితంగా విడాకులవుతాయి. ప్రభాస్‌కున్న అనారోగ్య సమస్యల కారణంగా పెళ్లి జరగపోవచ్చు.. బ్రహ్మచారిగా మిగిలిపోవచ్చు అంటూ సంచలన వ్యాఖ్యలు చేశారు. వేణుస్వామి.. సమంత - నాగచైతన్య విషయంలో చెప్పింది నిజమవ్వడంతో కొంతమంది ఈయన చెప్పే మాటలు నమ్ముతుంటే.. మరి కొంతమంది కొట్టి పారేస్తున్నారు.