పాన్ ఇండియా స్టార్ అయినా తగ్గేదేలే అంటున్న శ్రీలీల.. ప్రభాస్‌తో మూవీకి భారీ డిమాండ్

దిశ, సినిమా: ఇండస్ర్టీలోకి ఎంట్రీ ఇవ్వగానే సరిపోదు.. గుర్తింపు తెచ్చుకోవాలంటే లక్ ఉండాలి. ఇలాంటి లక్‌తో దూసుకుపోతుంది శ్రీలీల. చేతినిండా డజను సినిమాలతో ప్రస్తుతం టాలీవుడ్‌లో ఆమె పేరు మారుమోగిపోతుంది. చిన్న హీరో పెద్ద హీరో అని కాకుండా అందరితో జతకడుతుంది. ఇక తన క్రేజ్‌ను దృష్టిలో పెట్టుకుని శ్రీలీల రెమ్యునరేషన్ కూడా భారీగా పెంచేసిందట. ముందుగా కోటి రూపాయలు తీసుకున్న శ్రీలీల ఆ తర్వాత రెండు కోట్లు, ఇప్పుడు ఏకంగా రూ.5 కోట్లు డిమాండ్ చేస్తుందట. అయితే ఇటీవల పాన్ ఇండియా స్టార్ ప్రభాస్ సరసన శ్రీలీల ఛాన్స్ కొట్టేసిందనే వార్తలు వినిపించినప్పటికి, ప్రభాస్‌తో సినిమా అయినా పారితోషికం విషయంలో తగ్గట్లేదట. దీంతో ప్రజంట్ ఆమెకున్న క్రేజ్‌ను దృష్టిలో పెట్టుకుని దర్శకనిర్మాతలు అడిగినంత ఇచ్చేందుకు రెడీగా ఉన్నారట.