Balagam: ‘బలగం’ మూవీ కోసం బస్సు కట్టుకుని మరీ వస్తున్న పల్లె జనం

దిశ, సినిమా: టాలీవుడ్‌లో తాజాగా పూర్తిగా తెలంగాణ కథాంశంతో తెరకెక్కిన సినిమా ‘బలగం’ సినిమా ఇప్పటికే స్ట్రాంగ్‌ రన్‌తో దూసుకుపోతోంది. కమెడియన్‌ వేణు దర్శకుడిగా తొలిసారి తెరకెక్కించిన ఈ మూవీ ప్రేక్షకులను విపరీతంగా ఆకట్టుకుంటూ.. ఇప్పటికే రూ.10 కోట్ల గ్రాస్‌ను కలెక్ట్ చేసింది. బంధాలు, విలువలు చూపిస్తూ గుండెల్ని పిండేలా ఉన్న ప్రతీ ఒక్క సీన్, ప్రేక్షకులను కంటతడి పెట్టించేలా చేస్తున్నాయి. ముఖ్యంగా పల్లె వాసులకు ఈ మూవీ బాగా కనెక్ట్ అయ్యేలా ఉంది కనుక, గ్రామాల నుంచి జనాలు పెద్ద ఎత్తున థియేటర్లకు క్యూ కడుతున్నారు. కాగా తాజాగా ఈ సినిమా చూసేందుకు దారిపల్లి గ్రామస్తులు నిజామాబాద్‌కు స్పెషల్‌గా బస్సు కట్టుకొని మరీ వచ్చారు. దీనికి సంబంధించిన వీడియో సోషల్ మీడియాలో వైరల్ అవుతోంది. ఈ సినిమా ఆదరణకు, సక్సెస్‌కు ఇది మరో ఉదాహరణ అని చెప్పవచ్చు.