రికార్డ్ బ్రేక్ చేసిన ‘గుంటూరు కారం’ ట్రైలర్.. 12 గంటల్లోనే మిలియన్ల వ్యూస్

దిశ, సినిమా: సూపర్ స్టార్ మహేష్ బాబు నటించిన ‘గుంటూరు కారం’ ట్రైలర్ కేవలం 12 గంటల్లోనే 25 మిలియన్ల వ్యూస్ సొంతం చేసుకుంది. ప్రస్తుతం ఈ ట్రైలర్ యూట్యూబ్‌‌ను షేక్ చేస్తోంది. సోషల్ మీడియాలో ట్రెండింగ్ లిస్ట్‌లో ఈ చిత్ర ట్రైలర్ నెంబరు వన్ లిస్ట్‌లో ఉంది. కేవలం 15 నిమిషాల్లోనే 100 కే లైక్స్ రావడం విశేషం. టాలీవుడ్‌లో అతి తక్కువ సమయంలో అత్యధిక వ్యూస్ దక్కించుకున్న ట్రైలర్‌గా మహేష్ సినిమా రికార్డ్ సృష్టించింది.

ఇక ఈ ట్రైలర్‌కు 24 గంటల్లో కచ్చితంగా 40 మిలియన్లకు పైగా వ్యూస్ వచ్చే చాన్స్ ఉన్నట్లు సూపర్ స్టార్ ఫ్యాన్స్ అంచనా వేస్తున్నారు. ప్రస్తుతం ఈ ట్రైలర్ ప్రిన్స్ ఫ్యాన్స్‌ను కుదురుగా ఉండనివ్వడం లేదు. అందులో సూపర్ స్టార్ డైలాగ్స్, క్యారెక్టరైజేషన్, ఆటిట్యూడ్, అదిరిపోయే లుక్, మొత్తానికి మాస్ లుక్‌తో మహేష్ కనిపించడంతో అభిమానులంతా ఎగిరి గంతులేస్తున్నారు. దాదాపు 13 ఏళ్ల తర్వాత మ‌హేష్‌బాబు, త్రివిక్ర‌మ్ క‌లిసి చేస్తోన్న చిత్రమిది. ఇక ఇందులో మ‌హేష్ బాబుకు జోడీగా శ్రీలీల‌, మీనాక్షి చౌద‌రి కథానాయికలుగా న‌టిస్తున్న విషయం తెలిసిందే. ప్ర‌కాష్ రాజ్‌, ర‌మ్య‌కృష్ణ‌, జ‌గ‌ప‌తిబాబు ముఖ్య పాత్రలో కనిపించనున్నారు.