అవన్నీ ఫేక్ అంటూ ఆస్కార్ అవార్డ్స్‌పై.. సంచలన పోస్ట్ పెట్టిన స్టార్ హీరోయిన్

దిశ, సినిమా: ఎంతగానో ఎదురుచూసిన 2024 96వ ఆస్కార్ అవార్డుల వేడుకలు లాస్ ఏంజిల్స్‌లో ఎంతో అట్టహాసంగా జరిగిన విషయం తెలిసిందే. నిన్న తెల్లవారుజామున 4 గంటలకు ఈ ఈవెంట్ ప్రారంభం కాగా, ప్రముఖ ఓటీటీ సంస్థ డిస్నీ+ హాట్‍స్టార్ స్ట్రీమింగ్ అయింది. ఇందులో ఓపెన్ హైమర్ సినిమా ఏకంగా ఏడు అవార్డులు సాధించి సత్తా చాటింది. అంతేకాకుండా ఈ వేడుకలు పలు క్యాటగిరీస్‌లో కొంతమంది అవార్డులు సొంతం చేసుకున్నారు.

ఇదిలా ఉంటే.. తాజాగా, బాలీవుడ్ స్టార్ హీరోయిన్ యామి గౌతమ్ ఆస్కార్ అవార్డులపై సంచలన ట్వీట్ చేసింది. ‘‘ప్రస్తుత ఫేక్ “ఫిల్మీ” అవార్డులపై నమ్మకం లేదు. అందుకే గత కొన్ని సంవత్సరాలుగా, నేను వాటికి హాజరుకావడం మానేశాను. కానీ ఈ రోజు ఒక అసాధారణ నటుడిని చూస్తుంటే నాకు సంతోషంగా ఉంది. ప్రపంచంలోనే ప్రతిష్టాత్మకమైన అవార్డు దక్కించుకున్నారు. చివరికి మీ ప్రతిభే అన్నింటికంటే ఉన్నతంగా నిలుస్తుందని మాకు తెలియజేస్తుంది. అభినందనలు’’ అంటూ రాసుకొచ్చింది. ప్రస్తుతం ఈ అమ్మడు పోస్ట్ వైరల్ అవుతుంది. ఇక అది చూసిన కొందరు ఆమెకు సపోస్ట్ చేస్తుండగా.. మరికొందరు మాత్రం విమర్శలు చేస్తున్నారు. అంతేకాకుండా ఈ ట్వీట్ డిలీట్ చేయమని కామెంట్స్ పెడుతున్నారు.