షాకింగ్ న్యూస్.. కారు నడిపిన పాము.. పిచ్చోళ్లైపోతున్న నెటిజన్లు!(వీడియో)

దిశ, సినిమా: బుల్లితెర ప్రేక్షకులకు జీ తెలుగులో ప్రసారమయ్యే ‘త్రినయని’ సీరియల్ గురించి ప్రత్యేకంగా చెప్పాల్సిన అవసరం లేదు. మంచి ప్రేక్షకాదరణ పొందిన ఈ సీరియల్ గత నాలుగేళ్లుగా ఈ విజయవంతంగా ప్రసారమవుతోంది. అయితే రీసెంట్‌గా ఈ సీరియల్ నుంచి ఓ ప్రోమో విడుదల చేశారు. ఆ ప్రోమోలో ఒక అద్భుతమైన రివేంజ్ సీన్ చూపించారు. పాము కారులో కూర్చుని కారు నడుపుతూ.. తిలోత్తమను యాక్సిడెంట్ చేస్తున్నట్లు చూపించడం గమనార్హం.

ఈ వీడియో సోషల్ మీడియాలో వైరల్ అవ్వగా.. నెటిజన్లు తమదైన శైలిలో స్పందిస్తున్నారు. కారులో పాము ఉండటం వరకు ఒకే కానీ.. పాము కారు నడుపుతున్నట్లు చిత్రికరించడం వల్ల చాలా మంది ట్రోల్స్ చేస్తున్నారు. సినిమా, సీరియల్ అంటే ఎంతో కొంత లిబర్టీ తీసుకోవాలి. కానీ అసలు ఊహించుకోవడానికి కూడా సాధ్యం కాని రీతిలో సీరియల్స్ తీయడమేంటి? ఒకవేళ పాము మనిషి రూపంలో ఉండి కారు నడిపినట్లు చూపిస్తే కన్విన్స్ అయ్యేవాళ్లం.

కానీ, ఇలాంటి సీన్స్ తీసి సీరియల్ మీదున్న గౌరవాన్ని కోల్పోయేలా చేయకండి. అంటూ కోపాన్ని వ్యక్తం చేస్తూ కామెంట్లు పెడుతున్నారు. మరికొంతమంది అది ఆటోమేటిక్ కారు అనే అనుకుందాం. పుష్ బటన్ స్టార్ట్ అనే అనుకుందాం. కానీ, డ్రైవ్ అని గేర్ ఎవరు మార్చారా? పాము సీట్లో ఉంటే.. ఎక్సలేటర్ ఎవరు తొక్కుతున్నారు? అంటూ ఫన్నీగా ఫన్నీ కామెంట్లు చేస్తున్నారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.