విషాదం నింపిన 'గాడ్ ఫాదర్' ఈవెంట్

దిశ, వెబ్‌డెస్క్: అనంతపురం జిల్లాలో 'గాడ్ ఫాదర్' ప్రీ రిలీజ్ ఈవెంట్ బుధవారం గ్రాండ్‌గా జరిగిన విషయం తెలిసిందే. అయితే తన అభిమాన హీరోను చూడాలన్న ఆశాతో వచ్చిన ఓ యువకుడు రోడ్డు యాక్సిడెంట్‌లో మరణించాడు. అలాగే తొక్కిసలాటలో ఓ మహిళ తీవ్రంగా గాయపడింది. వివరాల్లోకి వెళితే.. అనంతపురంలోని ఆర్ట్స్ కళాశాల మైదానంలో జరుగుతున్న 'గాడ్ ఫాదర్' ప్రీ రిలీజ్ ఈ వెంట్‌కు బుధవారం బయలుదేరారు రాజశేకర్, అతడి స్నేహితుడు అభిరామ్.

ఈ క్రమంలో అతి వేగంగా వెళుతున్న వాళ్ల బైక్‌కు 44 జాతీయ రహదారిపై కుక్క అడ్డు రావడంతో అదుపుతప్పి కిందపడ్డాడు. రాజశేఖర్ అక్కడికక్కడే మరణించగా.. స్వల్పగాయాలతో ఉన్న అభిరామ్‌ను స్థానికులు ఆసుపత్రికి తరలించారు. ఇదిలా ఉంటే.. అదే ఈవెంట్‌లో అభిమానులతో గ్రౌండ్ నిండిపోవడంతో తొక్కిసలాట జరిగింది. ఈ క్రమంలో రహమత్‌నగర్‌కు చెందిన అఖిల అనే యువతి తీవ్ర గాయాల పాలైంది. ఆమెను పోలీసులు వెంటనే స్థానిక ఆసుపత్రికి తరలించారు.

Also Read:  నెట్‌ఫ్లిక్స్‌లో చిరంజీవి అప్‌కమింగ్ మూవీస్.. ఒక్కో సినిమాకు ఎంతో తెలుసా?  

బలిసి కొట్టుకుంటున్నారా?.. మెగాస్టార్ సెన్సేషనల్ ట్వీట్