'ది ఘోస్ట్' ప్రీరిలీజ్‌ ఈవెంట్‌కు కొడుకులతో నాగ్..

దిశ, సినిమా: నాగార్జున నటించిన లేటెస్ట్‌ మూవీ 'ఘోస్ట్‌'. ప్రవీణ్‌ సత్తారు డైరెక్షన్‌లో వస్తున్న ఈ యాక్షన్‌ థ్రిల్లర్‌ మూవీ అక్టోబర్‌ 5న దసరా సందర్భంగా రిలీజ్‌ కాబోతోంది. ఇప్పటికే ఈ సినిమా ట్రైలర్‌ యాక్షన్‌ సీన్స్‌తో నిండిపోయి ప్రేక్షకులను ఎంతగానో ఆకట్టుకుంది. ఈ క్రమంలో సెప్టెంబర్‌ 25న కర్నూలులోని ఎస్టీబీసీ గ్రౌండ్‌లో ఈ మూవీ ప్రీరిలీజ్‌ ఈవెంట్ జరగనుంది. ఈ కార్యక్రమానికి నాగార్జునతో పాటు తనయులు నాగచైతన్య, అఖిల్‌ హాజరుకానుండటం హైలెట్ కానుంది. తండ్రి మూవీ ప్రీరిలీజ్‌ ఈవెంట్‌కు తన ఇద్దరు కొడుకులు తరలి వస్తున్నారన్న వార్త అక్కినేని ఫ్యాన్స్‌లో ఆనందం నింపుతోంది. చాలా రోజుల తర్వాత ఈ ముగ్గురూ ఓ సినిమా ప్రమోషన్‌లో పాల్గొననుండటం విశేషం. 

Also Read:  బ్యాక్‌గ్రౌండ్‌ కాదు.. సొంత టాలెంట్‌తోనే దూసుకెళ్తా: స్టార్‌కిడ్ Shanaya Kapoor